Robert ThawngZam's Profile

Robert Thawngzam cu Dongva Khua, Senthang Peng, Hakha Myone ah a chuak i, Hakha No.1 High School ah Tanghra (grade A+ in) a awng. Anungmi PATHIAN lam hruainak thawngin, B.Th in Theology, Yangon, Burma, B.A in Psychology- Dagon University, Yangon, Burma Ram, Master in Theology, India Ram le M.A in International Social Science, Germany Ram hna ah a cawngmi a si. ____ Burma Ram, Yangon/Rangoon Khualipi um Bible Sianginn pali (four Theological colleges) pawl ah Lecturer kum thum renglo a tuan hnu ah, 2008 in Germany ram All Nations Service, Vawleicung Ram 50 reng loin an i pumnak ah speaker in le International speaker in Europe, Asia, Africa, Middle East le a dangdang Vawlei ram tampi ah PATHIAN ram ca le kan Vawlei miphun hawi caah rian ttha a tuantu pakhat a si.

Amah hi Biaknak lei he Vawlei (Secular) lei he a pahnih tein nihin tiang a cawng cuahmahmi Chin/Laimi nih kan i ngeihchunmi pakhat a si ve. Chin/Laimi karlak ah a thangmi, Kawlrami karlak ah B.A-Psychology a kaimi, India-Kalaa pawl karlak ah Religious Philosophy a cawngmi, Europe mi hna sin ah M.A-Social Science a cawngmi le Africa Ram mi hna karlak ah practical(let tuaih-atakin) in rian a tuanmi a si caah, zeitikcaan paoh ah amah le Context ning hawih in minun a hmunthiammi le hmuh aa zuam zungzalmi, cun hawikomh le nun a thiammi pakhat a si.

PATHIAN nih kan miphun thlarau lei in kan damnak caah le taksa lei in hmuhkau le pomkau kan ngeihnak ding caah Europe Chin/Laimi hna sin-ah tampi rian a pek. Amah hi mino te a si rih nain BAWIPA nih a dawttuk caah, a nunak hmangin PATHIAN nih 2009-2011 chungah Europe kan Chin/Laimi sinah khuaruahhar in rian tuan. Ahleicein PATHIAN nih kan ruahphak lo tiangin kan Chin/Laimi mino tampi nunnak a thlen hna i, Thlarau biatak a hngalhter hna, cu pinah mino tampi an social life style le social standard tampi a thlen hna.

Germany Chin Community caah free tein a si khawhtawk in a herh ningin Pastor rian le Biaknak lei he aa pehtlaimi rian paohpaoh a tuanpiak hna. Cupiinah Biaknak lei lawng si loin Vawlei lei (Secular) zong a cawngmi a si caah Social Seminar zong a herh ningin Vawlei Ram kip ah a petu pakhat a si.

Note: Nan Krihfabuu cio le nan Community cio ah Biaknak lei in asiah, Social lei in asiah, ruahnak halnak (Advise) in maw, seminar tuahnak in maw, Crusade tuah le Cawnpiaknak in maw, bomh kan herh ko a timi nan um ahcun bomhding le tlangtlak piding ah timhcia-ready tein a um pengmi pakhat a si fon.